ISANG BAGSAKAN…DROP SHIPPED.

PROLOGUE:

“sabihin mo na kasi.”

“ayoko.”

“bakit?”

“natatakot ako.”

“wag ka matakot. atlis alam mo kung ano kayo di ba?”

“eh natatakot nga ako.”

“ay naku girl, ewan ko sayo. text mo na lang ako pag may

nangyari na.”

“oo. cge, bye.”

——————————————————–

BABALA NO 1: mahaba ito. kumuha ng 2 basong tubig at

isang serving ng halo-halo. baka ma-heat stroke kayo.

isama na ang barkada. pagsaluhan natin ang aking

pagkabigo.

——————————————————–

BABALA NO. 2: ito ang eksaktong sulat na ipinadala ko sa

kanya. (ay hindi pala, in-edit ko ung iba.) basahing

mabuti at sumigaw ng DARNA kung matagumpay na natapos

ang aking kwento. wag masyado malakas. baka pagtinginan

ka sa PC-han at pagka-kuwentuhan ka pag-uwi ng mga

nagdo-dota…

——————————————————–

intro: naghanda ako ng scratch paper para dito. parang

sulating pormal. uminom din ako ng cobra at energo para

makaipon ako ng lakas na maisulat to. sama mo na rin ang

1.5 na extra joss. kumain din ako ng candy dahil

panigurado, ubos ang sugar sa utak ko.

anyways, ito na ang FEAR FACTOR moment ko.

DEAR KYEME..  (lagyan ng instrumental na inyong nais.)

alam mo, i’m just grateful that you came. wag ka

mag-alala, hindi ito love letter.

i dont know what’s in you na i like. kaya nga di ko

malaman kung ano gusto ko sayu. (tinagalog ko lang yata.

hahah!) ang totoo kasi di ko alam kung saan ako

magsisimula.

first thing, im so sorry. there were these times na i

misunderstood you. (WAG KA MAG-ALALA, DI PA KO

MAMAMATAY…) ewan ko. there were these times na

sinisira kita sa isip ko kasi may nararamdaman akong

madilim… kasi di ko mapaliwanag. (hahah! natatawa ako

sa sarili ko habang sinusulat ko to.)

sa blog ko, ung sinulat ko abt Baguio, totoo un. ung

tula-tulaan kong iskempertush na hit na hit sa readers

ko, totoo din un. ung ayaw sayo nila kuya, kasi

naririnig nila na minsan sumisigaw ako na binababaan mo

ako ng fone. nakita pa ng nanay ko ung text mo dun sa

N73 niya nung bago tayo pumunta ng Baguio. na nag-aaway

tau at nagre-resonate ung boses mo nun sa fone na

sumisigaw ka. alam mo naman ung nanay ko, PARA SA KANYA,

walang taong pwedeng manigaw sa akin, sya lang! hahaha!

masaya ako pag kasama kita. sana ikaw masaya din pag

kasama mo ko. pero alam mo kasi, hindi ko rin alam ang

definition ng sweet. ganun ka ba? kasi alam mo feeling

ko special child ako pag kasama kita. wala kasing

lalaking ganyan sa akin eh. yang kagaya ng treatment mo

sakin.

noon pa kasi, bago pa mabuhay ang mga dinosaurs sa

mundo, ang turing sa akin ng lalake, lalaki rin. kaya

ako, lalake talaga. eh ikaw, pag kasama kita, feeling ko

girl ako.

enumerate ko:

1. walang lalaki na nagpapauna sa akin sumakay sa

sasakyan, ikaw lang.

2. walang lalaki na nanlilibre sa akin, ikaw lang. (ay

hindi, meron pala. kuya ko.)

3. maraming lalaki na laging hinihiritan ako, lalo ka

na. at ako, nauubusan ng battlecry.

4. noon, pag may dala ako, ako pa rin magdadala maski

gaano un karami. eh ikaw, maski ung pinamili ko ng

napkin, dinala mo. (nabigla nga ako nun e. kasi akala ko

niloloko mo ko.)

5. maraming lalake ang mabango, pero ung pabango mo,

kumakapit sa balat ko. (nakutusan ako ng tatay ko

pag-uwi natin nun sa ocean park kasi naamoy din niya.

birthday na birthday ko nun nakotongan ako. walang biro.

san daw akong motel nanggaling? bakit, motel lang ba ang

pinupuntahan ko? ampness! kumusta naman kasi na

naka-angkla ako sayo?)

6. wala pang lalaking nag-aya sakin na umalis ng kaming

2 lang, pero tayo umaalis ng tayong 2 lang… saya2 ko

kaya? (feeling ko nga kinukuryente ako dati eh. ngayon

hindi na. un ba yung tinatawag nilang date? hindi ko

kase alam )

7. nalilimutan ko ang problema ko pag kasama kita.

(totoo to. maski pa umiiyak na ko, napapahinto mo ung

luha ko. maski lagi mong inaasar yung bilbil ko. wag mo

na kasi asarin eh. kaya dumadami.)

8. naaalala kita pag umuulan, naalala kita pag

giniginaw…naaalala kita. ilang bukas pa ba bago tayo

AY magkita. (kanta ng eheads. sembreak.)

9. NAMI-MISS NILA AKO. pero ikaw ang nami-miss ko.

10. maraming lalaking gwapo, pero ang gwapo para sakin

sa ngayon (SA NGAYON LANG NAMAN), ikaw lang (asus

ngingiti-ngiti ka jan!)

11. pinipilit ko maging babae pa kasama kita. as in. di

kasi ako feminine talaga. puro lalaki nga barkada ko eh.

sayo lang ako ganito.

hindi rin naman ako nagtatapat. eh kasi ang nagtatapat

konkreto utak. ako hindi. basta malamig ang kamay ko pag

lumalapit ka. sinasabi ko lang puyat ako. PERO EXCUSE

LANG YUN. kasi naman pag hinahawakan mo na yung kamay

ko, para akong nagiging bato.

nagsasabi lang ako ng saloobin ko sayo.

ako manliligaw sa iyo? hindi no? ilang beses na ko

nababasted sau ng di mo nalalaman. nadala na ako. at

saka di nga ako sweet eh. maarte lang ako. emotera.

echusera. ganun. parang ikaw.

nahihiwagaan kasi ako sa iyo. kung sa paraan ng

pakikitungo mo sa akin,a ganun ka sa lahat ng friends

mo? napakaswerte pala ng mga kaibigan mo. ganun kang

klaseng tao. malamang maski gustuhin mo maging single,

madami ang pipila para mag-apply sayo na maging syota

mo. ako naman ang bouncer, pang-regulate ng crowd.

malakas siguro appeal mo. ako malakas panghatak sa mga

manong strangers. hahaha!

anyways… isa lang naman ang gusto ko malaman.

magaan ba ang loob mo sa akin? di naman kailangan ng

malisya dun. un bang:

masaya ka pag kasama mo ko..
o kaya umuurong ung jebs mo pag nakikita mo ko…
o kaya pag online ako, invi ka na…
o kaya naman naalala mo ung kapatid mo sa akin…
o kaya naaalala mo ung dolphin pag nanjan na ako…
o kaya naaalala mo ung paborito mong layered cake pag

nakikita at kinukurot mo ung bilbil ko?

in short, wer do i stand?

from u, who is point A. am I in point E? ganun kalayo?

ito ung clarification na sinasabi ko. yoko naman na

umaasa. you know. kase ang ganitong klaseng frendship,

kung normal para sa iyo, sa akin mejo mahiwaga. parang

kamote. (anong kinalaman ng kamote sa friendship?)

hmmm… basta alam mo, ang pinakamahalaga sa akin, ung

friendship natin. yoko un mawala. di kita kakaririn no.

pero kung gusto mo, eh… gagawan natin ng paraan yan.

hahaha!

ang motto ko kasi: BOK, WALANG TALU-TALO (ayus!)

wahhhh!!! para akong tanga. alam mo ba na ang sulat na

to ang susunod ko sanang blog entry? pero sayang kung di

ko naman mapapabasa sayo.

Gross Speed: 53 wpm
accuracy: 87%
Net speed: 50 wpm

ganyan kabilis ang typing ko. galing no?

saka, alam mo ung nararamdaman ko para sa iyo, parang

love na hindi. para bang nagkaka-dysrhythmia (irregular

beats) ang puso ko… nabasa mo na yun sa blog ko.

kinikilig ako, oo. pero hanggang dun lang eh. minsan

naiisip ko may what ifs… pero pag naiisip ko, yakkk…

abunado ka pa ng singko.

alam mo ba, nung nasa Baguio tayo, naramdaman ko nun na

may sasabihin ka sakin. na nung kinarir mo si churvah.

na nagcrash naman… dude, tagos sa spinal cord ko. kasi

nun crush kita. akala ko nung nasa Baguio tayo,

pagkakataon ko na, hindi pala. pero ngayon, crush pa rin

naman kita. di naman mawawala yan eh.

ikaw kasi eh.. nung training one minsan nakikita kita

nakatingin ka sa akin. nung training 2 naman,

nangingindat ka. ako? one shot dead. uto-uto. alam mo

un. pero matagal na yun. alam mo naman pag ako

tinitingnan, feeling ko my something na yun. sorry for

the misinterpretation. baka naman lahat ng kaibigan mo,

kinikindatan mo. o kaya tinititigan mo. ako lang tong

parang gago.

ako selosa? oo naman. nagseselos ako sa lahat ng babae

na dumidikit sa iyo. lahat ng babae na kasama mo sa

picture. pati nga sarili ko pinagseselosan ko, sabi ko

na lang: ay, ako pala yan! hahah!

dude, kung makikita mo lang yung mukha ko habang

sinusulat ko to… malamang matae ka kakatawa. hahaha!

basta, ang bottomline dude ito:

THANKFUL AKO KAY GOD NA BINIGYAN NIYA AKO NG CHANCE NA

MARAMDAMAN NA MAY TAONG NAGPAPAHALAGA SA AKIN. NA MAY

TAONG MAY CARE para sa kin. BINIGYAN NIYA AKO NG CHANCE

NA MAKARANAS NA MAY LALAKI NA NAGTITIYAGA SA AKIN,

SUMASAMA SA AKIN, NAKIKIPAGKUWENTUHAN NG KAHIT NA ANO,

BINOBOLA AKO, NACHACHANSINGAN KO PAMINSAN-MINSAN…

HAHAHAH! SANA WAG KA MAGSASAWA LALO NA MAGPATSANSING

SAKIN. HAHAH! PAG MAY ASAWA KA NA OR GIRLFRIEND, TITIGIL

NAMAN AKO XEMPRE. HAHAHA! JUST LET ME KNOW. AKALA KO

HABAMBUHAY NA AKO MAMUMUHAY SA BATCAVE. PERO HINDI.

FEELING KO NGA MAGALING KA SA PUZZLE EH. KASI MAKAUSAP

LANG KITA O KAYA MAKITA KINIKOMPLETO MO NA YUNG ARAW KO.

IM JUST SO GRATEFUL PARE. UNG KISS KO SA CHEEK MO, DI KO

KASI MA-UTTER ANG THANK YOU. nakalimutan ko ung

kamalasan ko nung bday ko dahil sa iyo. (at dahil din sa

bestfriend ko.)

KAYA PAG HINALIKAN KITA SA CHEEK, UN UNG THANK U. 2TAL,

PANG FRIENDS NAMAN UN NA KISS NO. saka yun lang naman

ang kaya ko nakawin sayu. kiss. hahha!

KAYA… ANG MASASABI KO… THANK YOU… THANK YOU….

THANK YOU…

I WONT PROMISE ANYTHING BUT I’LL ALWAYS BE A GOOD FRIEND

TO YOU.

(ending: ilagay ang IN THE AYER bilang ending theme.)

——————————————————–

AT ilang bukas ang dumaan… hinintay ko siya…

boom! “kyeme is online.”

lahat ng pagpapalit ng status message sa aking YM ay

ginawa ko na maka-agaw atensyon lang.

pero ito na ang highlight ng kwento. (summarized na

ito.)

kyeme: (iskempertush… eklaber…)
ako: (madami muna akong pasakalye )
kyeme: (dami na siya na-ispluk)
ako: nabasa mo ba?
kyeme: OO
ako: ano naman ang masasabi mo?
kyeme: hindi ako naniniwala.
ako: bakit naman?
kyeme: hindi ko nararamdaman sayo un.
ako: ok lang
ako uli: wag ka na magpaliwanag
kyeme: galit ka
ako: hindi no? (pakyu! baka sunugin ko bahay niyo eh! hahaha! charing!)
ako uli: bakit naman ako magagalit?

at nagpatuloy pa ang aming usapan. pero isang bagay lang

ang alam ko.

HINDI SIYA NANINIWALA SA MGA SINABI KO, SA MGA SINULAT

KO. HINDI SIYA NANINIWALA SA NARARAMDAMAN KO. TAMA NA

ANG PALIWANAGAN. TAON-TAON NA LANG ITO ANG NANGYAYARI SA

AKIN. SANAY NA AKO.

—————————————————————-

hikbi. iyak. luha. charot.

at habang nasa isa akong sulok, iniisip ang pagkabigo,

naramdaman ko na sumisikip ang aking dibdib. di ako

makahinga. parang nilalamon ng maalinsangang paligid

kasabay ng nanliliit kong pagkatao ang aking isip.

wala.

at unti-unting sumakit ang aking tiyan, tagiliran, ulo,

hindi ko na alam kung ano ang masakit sa akin..

masakit ang likod ko, nandidilim ang aking paningin. lumamig ang aking pakiramdam sa kabila ng init na mayroon ang ating paligid,

bumibgat ang aking pakiramdam…may kung anong umbok na tumutubo

sa aking balikat…

kasabay ng bilog na buwan, tumingin ako sa langit.

pinipilit itanggi sa sarili ang mga bagay na nabatid..

tama… ang aking pangil, humahaba,  mula commonwealth hanggang cubao… mga pakpak ko lumabas na rin… at humiwalay na ang aking

kalahating katawan, pa-lengthwise. charing! hindi ako naging halimaw! tao pa rin ako.

iinom ako ng shampoo. at titira ng katol…  hahahaha!

ano ba kayo? ok lang ako.

huhuhuhuhu!

wala ito. promise.

——————————————————–

OUTRO: kung ikaw ang lalaking magbabasa nito, kung ikaw

ang pinadalhan ko ng sulat na ito, anong gagawin mo?

anong reply ang matatanggap ko sayo? 10 points.

—————————————————————-

CLOSING CURTAINS: hindi ako umiyak. halos lang. pero hindi talaga. wala eh. basted na naman tayo, mah men! pero ganun talaga. para isang bagsakan na. tutal sabi ko nga, wala naman ding taluhan na magaganap. ok lang. pramis. simpleng thank you lang sana ok na ko. di ko naman kailangan ng affirmation eh. kung ako lang ang lalaki… kaso hindi eh. change karir kaya ako? babae naman! charing lang…

—————————————————————-

PUBLIC SERVICE ANNOUNCEMENT: kung sasabihin ko kaya sa kanya na ako si FLASH BOMBA, maniniwala kaya siya?